ಸೆ.16 ವಿಶ್ವ ಓಜೋನ್ ದಿನ
ಓಜೋನ್ ಪದರವು ಭೂಮಿಯ ಮೇಲ್ಮೈಯಿಂದ ೧೫ರಿಂದ ೩೫ ಕಿ.ಮೀ. ಅಂತರದ ಹವಾಮಂಡಲ ಸ್ತರಗೋಲ (strato sphere)ದಲ್ಲಿ ಅತ್ಯಂತ ವಿರಳವಾಗಿ ಹಬ್ಬಿದೆ. ಇದರ ಶೇ.೯೦ರಷ್ಟು ಪ್ರಮಾಣ ೨೫ ಕಿ.ಮೀ. ಹವಾಮಂಡಲ ವಲಯದಲ್ಲಿ ಹರಡಿದೆ. ಓಜೋನ್ ಎಷು ತೆಳ್ಳಗಾಗಿ ಹರಡಿದೆಯೆಂದರೆ ಹವಾಮಂಡಲದ ಎಲ್ಲಾ ಓಜೋನ್‌ನ್ನು ತಂದು ಭೂಮಿಯ ಮೇಲೆ ಹರಡಿದರೆ ಕೇವಲ ೩ ಮಿ.ಮೀ. ದಪ್ಪಗಾಗುತ್ತದೆ. ಅಂದರೆ ವಾಯುಗೋಲದ ಮಿಲಿಯನ್‌ನ ಒಂದು ಭಾಗದಷ್ಟು.
ಓಜೋನ್ (Ozone) ಇದೊಂದು ಗ್ರೀಕ್ ಪದ ‘Ozein’ದಿಂದ ಬಂದಿದೆ. ಇದರರ್ಥ ‘ವಾಸನೆ’. ಹೆಸರಿಗೆ ತಕ್ಕಂತೆ ಇದು ವಾಸನೆ ಹಾಗೂ ಆಕರ್ಷಕ ಗಾಢ ನೀಲಿಬಣ್ಣವನ್ನು ಹೊಂದಿದೆ. ಮೂಲತಃ ಇದು ಆಮ್ಲಜನಕದ ಒಂದು ರೂಪ. ಆಮ್ಲಜನಕದ ಅಣು (O2) ಎರಡು ಪರಮಾಣುಗಳನ್ನು ಹೊಂದಿದ್ದರೆ, ಓಜೋನ್ (O3) ಮೂರು ಪರಮಾಣು ಹೊಂದಿದೆ.
ಮಿಲಿಯನ್ ವ?ಗಳ ಹಿಂದೆ ಭೂಮಿ ನಿರ್ಮಾಣವಾದಾಗ ಆಮ್ಲಜನಕ ಇರಲಿಲ್ಲ. ಜ್ವಾಲಾಮುಖಿಗಳ ಸಿಡಿತ ಉಂಟಾಗಿ ಕೇವಲ ಇಂಗಾಲಾಮ್ಲ ಮತ್ತು ಮಿಥೇನ್ ಅನಿಲಗಳು ವಾತಾವರಣದಲ್ಲಿ ತುಂಬಿಕೊಂಡಿದ್ದವು. ಕೆಲವು ಕಾಲ ಗತಿಸಿದ ಮೇಲೆ ಸಾಗರದಲ್ಲಿ ಜೀವಿಗಳು ಕಾಣಿಸಿಕೊಂಡವು. ಇವು ಅಔ೨ ನ್ನು ಉಪಯೋಗಿಸಿಕೊಂಡು ಆಮ್ಲಜನಕ ಬಿಡುಗಡೆ ಮಾಡತೊಡಗಿದವು. ಬರಬರುತ್ತ ವಾತಾವರಣದಲ್ಲಿ ಆಮ್ಲಜನಕ ಪ್ರಮಾಣ ಹೆಚ್ಚುತ್ತಾ ಹೋಗಿ ಹವಾಮಂಡಲದಲ್ಲಿ ಮೇಲಕ್ಕೇರುತ್ತಾ ಹೋಯಿತು. ಆಮ್ಲಜನಕ UV ಕಿರಣಗಳೊಡನೆ ಸಂಯೋಗ ಹೊಂದಿ, ಆಕ್ಸಿಜನ್ ಪರಮಾಣುಗಳಾಗಿ ವಿಯೋಜನೆ ಹೊಂದಿ, ಒಂದಕ್ಕೊಂದು ಕೂಡಿ ಸ್ತರಗೋಲದಲ್ಲಿ ಓಜೋನ್ ಆಗಿ ಮಾರ್ಪಟ್ಟಿತ್ತು. ಈ ಪದರಿನ ಮೇಲೆ UV ಕಿರಣಗಳಿಂದ ಸದರ ವಿಯೋಜನೆ ಹೊಂದುವುದರಿಂದ ಆಮ್ಲಜನಕ ಪರಮಾಣು ರೂಪದಲ್ಲಿಯೇ ಉಳಿಯಿತು. ಅತ್ಯಂತ ಕೆಳ ಪದರಿನಲ್ಲಿ O2 ಹಾಗೂ ಮಧ್ಯದಲ್ಲಿ O3 ಇರುವುದು. ಹೀಗೆ ಓಜೋನ್ ಪದರ ಭೂಮಿಗೆ ಬರುವ UV ಕಿರಣಗಳಿಗೆ ಒಂದು ಗೋಡೆಯಂತೆ ಉಳಿದಿದೆ.
ಸ್ತರಗೋಲದಲ್ಲಿ ನೈಸರ್ಗಿಕವಾಗಿ ಜರುಗುವ ರಾಸಾಯನಿಕ ಕ್ರಿಯೆಯಿಂದ ಓಜೋನ್ ಉತ್ಪತ್ತಿ ಹಾಗೂ ನಾಶ ನಿರಂತರವಾಗಿ ನಡೆಯುತ್ತಿರುತ್ತದೆ ಅಮ್ಲಜನಕದ ಅಣುಗಳು ಸೂರ್ಯ ಕಿರಣಗಳನ್ನು ಹೀರಿದಾಗ ಸ್ವತಂತ್ರ ಆಮ್ಲಜನಕದ ಪರಮಾಣುಗಳಾಗಿ ವಿಮೋಚನೆ ಹೊಂದಿ ಅಮ್ಲಜನಕದೊಂದಿಗೆ ಕೂಡಿ ಓಜೋನ್ ತಯಾರಾಗುತ್ತದೆ.
ಓಜೋನ್ ಪದರ ನಿಸರ್ಗದಲ್ಲಿ ಅಸ್ತಿತ್ವದಲ್ಲಿರುವುದರಿಂದ ಸಾಕ? ವ್ಯತ್ಯಾಸಕ್ಕೆ ಕಾರಣವಾಗಿದೆ. ಭೂಮಿಯ ಸಕಲ ಜೀವ ರಾಶಿಗಳಿಗೆ ರಕ್ಷಾ ಕವಚವಾಗಿದೆ. ಸೂರ್ಯನಿಂದ ಬಿಡುಗಡೆಯಾಗಿ ಬರುವ ಶಾಖವು ಅಪಾಯಕಾರಿ UV ಕಿರಣಗಳನ್ನು ಹೊಂದಿರುತ್ತದೆ. ಓಜೋನ್ ಶೇ. ೯೯ರಷ್ಟು ಸೂರ್ಯಕಿರಣ ಗಳನ್ನು ಭೂಮಿಗೆ ಬಿಡದೇ ಚದುರಿ ಹೋಗುವಂತೆ ಮಾಡಿ, ಶಾಖದ ಸುರಕ್ಷಿತ ಭಾಗ ಮಾತ್ರ ಭೂಮಿಗೆ ತಲುಪುವಂತೆ ಮಾಡುತ್ತದೆ. ಹಾಗಾಗಿ ಭೂಮಿಯ ಸಕಲ ಜೀವರಾಶಿಗಳಿಗೆ ಇದೊಂದು ರಕ್ಷಾ ಕವಚವೇ ಆಗಿದೆ.
ಆದರೆ ಈ ನೈಸರ್ಗಿಕ ರಕ್ಷಾ ಕವಚವು ವಿನಾಶದತ್ತ ಸಾಗಿದೆ. ಓಜೋನ್ ಪದರ ಅಲ್ಲಲ್ಲಿ ಛಿದ್ರಛಿದ್ರವಾಗಿದೆ. ಅದರರ್ಥ ಓಜೋನ್ ವಲಯದಲ್ಲಿ ರಂಧ್ರಗಳು ಕಾಣಿಸಿಕೊಂಡಿವೆ. ಇದಕ್ಕೆ ಕಾರಣವಾದ ಅನಿಲಗಳು ಯಾವುವೆಂದರೆ:
೧. ರೆಫ್ರಿಜರೇಟರ್, ಏರ್ ಕಂಡೀಷನರ್ ಹಾಗೂ ಸುಗಂಧಿತ ದ್ರವ್ಯಗಳನ್ನು ಸಿಂಪಡಿಸಲು ಬಳಸುವ ‘ಏರೋಸಾಲ್’ ಕೆಲವೊಂದು ರಾಸಾಯನಿಕಗಳನ್ನು ಕರಗಿಸಲು ಬಳಸುವ ದ್ರಾವಕ ಇವುಗಳಲ್ಲೆಲ್ಲ ಇರುವ ಕ್ಲೋರೋ ಫ್ಲೋರೋ ಕಾರ್ಬನ್.
೨. ವಾಹನಗಳ ಹೊಗೆಯಲ್ಲಿಯ ಸಾರಕಜನಕದ ಆಕ್ಸೆಡ್‌ಗಳು, ಅವುಗಳಲ್ಲಿಯ ನೈಟ್ರಿಕ್ ಆಕ್ಸೈಡ್.
೩. ಬಾಹ್ಯಾಕಾಶ ಸಂಶೋಧನೆಗೆ, ಉಪಗ್ರಹಗಳ ಉಡಾವಣೆಗೆ ಹಾಗೂ ಮಿಲಿಟರಿ ಉದ್ದೇಶಗಳಿಗೆ, ಹಾರಿಸಲಾಗುವ ರಾಕೆಟ್‌ಗಳಿಂದ ಬಿಡುಗಡೆಯಾಗುವ ಕ್ಲೋರಿನ್.
೪. ಕಾರ್ಬನ್ ಟೆಟ್ರಾಕ್ಲೋರೈಡ್ ಮಿಥೈಲ್ ಕ್ಲೋರೋಫಾರ್ಮ್ ಮತ್ತು ಹೈಡ್ರೋಕ್ಲೋರೋ ಪ್ಲೋರೋ ಕಾರ್ಬನ್‌ಗಳು.
ಅತಿ ಹೆಚ್ಚಿನ ಪ್ರಮಾಣದಲ್ಲಿ ಕ್ಲೋರಿನ್ ವಾತಾವರಣಕ್ಕೆ ಬಿಡುಗಡೆಯಾಗಿ ಓಜೋನ್ ಅಣುಗಳು ನಾಶವಾಗಿ ಓಜೋನ್ ಪದರಿನಲ್ಲಿ ಕಿಂಡಿ ಉಂಟಾಗುತ್ತದೆ. ಕ್ಲೋರಿನ್‌ದ ಪ್ರಮುಖ ಮೂಲವೆಂದರೆ ಕ್ಲೋರಿನ್ ಪ್ಲೋರೋ ಕಾರ್ಬನ್ ಒಂದು ಗುಂಪು ಓಜೋನ್ ವಿಘಟನೆಯಲ್ಲಿ NO ಮತ್ತು NO ಪಾತ್ರ ವಹಿಸುವುದನ್ನು ೧೯೭೦ರಲ್ಲಿ ಜರ್ಮನಿಯ ಪಾಲ್ ಕ್ರಟಜನ್ ವಿವರಿಸಿದರು.
ಜಗತ್ತಿನ ಒಟ್ಟು ಕ್ಲೊಪ್ಲುಕಾ ಉತ್ಸರ್ಜನೆಯಲ್ಲಿ ಪ್ರತಿಶತ ೯೫% ರಷ್ಟು ಯುರೋಪ್ ರಾಷ್ಟ್ರಗಳು, ಅಮೇರಿಕಾ, ರ?, ಯು.ಕೆ. ಮತ್ತು ಜಪಾನ್ ರಾಷ್ಟ್ರಗಳು ಬಿಡುಗಡೆಗೊಳಿಸುತ್ತವೆ. ಕೊಫ್ಲುಕಾದಿಂದ ಓಜೋನ್ ನಾಶವಾಗುವ ವಿದ್ಯಮಾನ ಮೊಟ್ಟ ಮೊದಲ ಬಾರಿಗೆ ಪ್ರತಿಪಾದಿಸಿದವರು ಅಮೇರಿಕಾದ ವಿಜ್ಞಾನಿಗಳಾದ ಮಾರಿಯೋ ಮಾಲಿನಾ ಮತ್ತು ಶೆರ್ವುಡ್ ಕಾಲೆಂಡ್-೧೯೭೪ರಲ್ಲಿ ಮುಂದಿನ ವರ್ಷಗಳ ಸತತ ಅಧ್ಯಯನದಿಂದ ಅವರು ನೀಡಿದ ಸಿದ್ಧಾಂತವು ನಿಜವೆಂದು ಸಾಬೀತಾಯಿತು. ಹೀಗೆ ಓಜೋನ್ ಕುರಿತು ಅತ್ಯಮೂಲ್ಯ ಸಂಶೋಧನೆ ನಡೆಸಿದ ಪಾಲ್ ಕ್ರಟಜನ್ (ನೆದರ್‌ಲ್ಯಾಂಡ್) ಮರಿಯೋ ಮಾಲಿನಾ (ಅಮೇರಿಕಾ) ಮತ್ತು ಶರ್ವುಡ್ ಕಾಲೆಂಡ್ (ಅಮೇರಿಕಾ) ಈ ಮೂವರು ವಿಜ್ಞಾನಿಗಳಿಗೆ ರಸಾಯನ ವಿಜ್ಞಾನದ ನೊಬೆಲ್ ಪ್ರಶಸ್ತಿಯನ್ನು ೧೯೯೫ರಲ್ಲಿ ನೀಡಿ ಗೌರವಿಸಲಾಯಿತು.
ಅಮೇರಿಕಾದಲ್ಲಿ ವ?ಕ್ಕೆ ೮೦ ಲಕ್ಷ ರೆಫ್ರಿಜರೇಟರ್‌ಗಳನ್ನು ಎಸೆಯುತ್ತಾರೆ. ಪ್ರತಿಯೊಂದರಲ್ಲಿ ೫೦೦ ಗ್ರಾಂ ಕೊಪ್ಲುಕಾ ಇರುತ್ತದೆಯಾದರೂ ಕನಿರ್ಷ ೧೦೦ ಗ್ರಾಂನ?ದರೂ ವಾತಾವರಣಕ್ಕೆ ಸೇರುತ್ತದೆ. ನೈಟ್ರೋಜನ್ ಗೊಬ್ಬರದಿಂದಲೂ ಓಜೋನ್‌ಗೆ ಗಂಡಾಂತರ ಬಂದಿದೆ. ಮಣ್ಣು ಅಥವಾ ನೀರಿನಲ್ಲಿ ಬ್ಯಾಕ್ಟಿರಿಯಾಗಳಿಂದ ನೈಟ್ರೇಟು ಮತ್ತು ನೈಟ್ರೇಟುಗಳಿಂದ ಉತ್ಪತ್ತಿಯಾದ ನೈಟ್ರಸ್ ಆಕ್ಸೆಡ್ ವಾಯುಗೋಲದ ಮೇಲು ಸ್ತರದಲ್ಲಿ ಆಕ್ಸಿಡೀಕರಣಗೊಂಡು ಓಜೋನ್ ನಾಶಗೊಳಿಸುವ ನೈಟ್ರಿಕ್ ಆಕ್ಸೆಡ್ ಆಗುತ್ತದೆ. ನಾವು ಹೆಚ್ಚೆಚ್ಚು ನೈಟ್ರೋಜನ್ ಗೊಬ್ಬರ ಹಾಕಿದಾಗ ಹೆಚ್ಚು ಹೆಚ್ಚು ಓಜೋನ್ ನಾಶವಾಗುತ್ತದೆ. ಇದೇ ಗತಿಯಲ್ಲಿ ನೈಟ್ರೋಜನ್ ಗೊಬ್ಬರದ ಉಪಯೋಗ ಮುಂದುವರಿದಲ್ಲಿ ೨೦೨೫ರ ಹೊತ್ತಿಗೆ ಓಜೋನ್ ಪದರವು ಪ್ರತಿ ಶತ ೧೫ರ? ನಾಶವಾಗಬಹುದು. ವಿಮಾನಗಳ ಹೊಗೆಯಲ್ಲಿನ ನೈಟ್ರೋಜನ್ ಆಕ್ಸೆಡ್ ಓಜೋನ್ ಪದರವನ್ನು ನಾಶಗೊಳಿಸುತ್ತದೆ.
ಓಜೋನ್ ಕಿಂಡಿ (Ozone hole): ಓಜೋನ್ ಪದರು ತೆಳ್ಳಗಾಗಿ ಅಲ್ಲಲ್ಲಿ ಹರಿದಿದೆ. ಇದನ್ನು ‘ಓಜೋನ್ ಕಿಂಡಿ’ ಎಂದು ಕರೆಯುತ್ತಾರೆ. ಇಂಗ್ಲೆಂಡಿನ ಜೋಸೆಫ್ ಫಾರ್ಮಾನ್ ಮತ್ತು ತಜ್ಞರು ೧೯೮೫ರಲ್ಲಿ ಅಂಟಾರ್ಕ್ಟಿಕಾದ ಮೇಲ್ಗಡೆ ಓಜೋನ್ ತೆಳ್ಳಗಾಗಿರುವುದನ್ನು ವಿವರಿಸಿದರು. ಕೂಫ್ಲುಕಾದಿಂದಾಗಿಯೇ ಅದು ನಾಶವಾಗಿದೆಯಂದು ಅವರು ತಿಳಿಸಿದರು. ಬ್ರಿಟಿ? ಅಂಟಾರ್ಕ್ಟಿಕಾದ ಪ್ರಕಾರ (ಸರ್ವೆಯ) ೧೯೮೭ರ ಸೆಪ್ಟೆಂಬರ್ ಮತ್ತು ಅಕ್ಟೋಬರ್‌ನಲ್ಲಿ ಅತ್ಯಂತ ದೊಡ್ಡದಾದ ಕಿಂಡಿ ಕಾಣಿಸಿ ಕೊಂಡಿತ್ತು. ಅಂಟಾರ್ಕ್ಟಿಕಾ ಪ್ರದೇಶದಲ್ಲಿ ೧೯೯೯ರ ಸೆಪ್ಟೆಂಬರ್‌ನಲ್ಲಿ ದಾಖಲಾದ ಅತಿ ದೊಡ್ಡ ರಂಧ್ರ ೨೮೪ ಮಿಲಿಯನ್ ಚ.ಕಿ.ಮೀ.ನ? ಇತ್ತು. ೨೦೦೦ದಲ್ಲಿ ಈ ಕಿಂಡಿ ಮಿಲಿಯನ್ ಚ.ಕಿ.ಮೀ.ನ? ಕಡಿಮೆಯಾಗಿತ್ತು. ಇದು ಯುರೋಪ್ ಖಂಡದ ವ್ಯಾಸದಷ್ಟು.
ಓಜೋನ್ ರಂಧ್ರವನ್ನು “ಡಾಬಸನ್ ಯೂನಿಟ್”(Dobso Unit) ದಿಂದ ಅಳೆಯುತ್ತಾರೆ. ಸಾಮಾನ್ಯವಾಗಿ ಈ ಅಳತೆಯು ೩೦೦ ಮುಟ್ಟಿದರೆ ಕ್ಷೇಮ. ಅದರ ಮಟ್ಟ ೨೨೦ ತಲುಪಿದರೆ ಓಜೋನ್ ರಂಧ್ರ ಕಾಣಿಸಿಕೊಂಡಂತೆ.
ಪರಿಣಾಮಗಳು: ಓಜೋನ್ ನಾಶದಿಂತ ಮುಖ್ಯವಾಗಿ ಎರಡು ಪರಿಸರಾತ್ಮಕ ಪರಿಣಾಮಗಳು ಜರುಗುತ್ತವೆ. ೧. ಭೂಮಿಗೆ UV ಕಿರಣಗಳು ಹೆಚ್ಚಿನ ಪ್ರಮಾಣದಲ್ಲಿ ಹಾಯ್ದು ಬರುವುವು.
೨. ಭೂಗೋಲದ ಉ?ತೆ ಹೆಚ್ಚಾಗುವುದು.
ಜೈವಿಕ ಸಮೂಹದ ಮೇಲೆ:
೧. ಪರಿಸರದ ಪ್ರಾಥಮಿಕ ಆಹಾರ ಉತ್ಪಾಕಗಳಾದ ಸೂಕ್ಷ್ಮ ಜಲ ಸಸ್ಯಗಳು ನಾಶವಾಗುತ್ತವೆ, ಅವುಗಳನ್ನು ಅವಲಂಬಿಸಿರುವ ಪ್ರಾಣಿಗಳು, ಮೀನುಗಳು ಆಹಾರದ ಕೊರತೆ ಎದುರಿಸಬೇಕಾಗುತ್ತದೆ.
೨. ಸಸ್ಯಗಳ ಎಲೆಗಳ ಮೇಲೆ ಬಿಳಿ ಅಥವಾ ಕಂದು ಬಣ್ಣದ ರೋಗ ಪಟ್ಟೆಗಳು ಕಾಣಿಸಿ ಕೊಳ್ಳಬಹುದು. ಎಲೆಗಳು ನಾಶವಾಗಬಹುದು.
೩. ಅಮೇರಿಕಾ ಮತ್ತು ಕ್ಯಾಲಿಫೋರ್ನಿಯಾಗಳಲ್ಲಿ ಹಣ್ಣು ಮತ್ತು ತರಕಾರಿಗಳಲ್ಲಿ ಇಳುವರಿ ಕಡಿಮೆಯಾಗಿದೆ.
೪. ಸಸ್ಯಗಳ ಬೆಳವಣಿಗೆ ಕುಂಠಿತವಾಗಿ ಬೀಜ ಮತ್ತು ಕಾಯಿಗಳ ಇಳುವರಿ ಕಡಿಮೆಯಾಗಿದೆ. ಗಿಡಗಳ ರಾಸಾಯನಿಕ ಸಂಯೋಜನೆಯಲ್ಲಿ ಏರುಪೇರಾಗಿದೆ. ಅರಣ್ಯದ ಮೇಲೆ ಪರಿಣಾಮವಾಗಿ ವಾಯುಗುಣದಲ್ಲಿ ಏರುಪೇರಾಗಿದೆ.
೫. ಜಲಚರ ಜೀವಿಗಳೂ ಸಹ UV ಕಿರಣಗಳಿಂದ ಅಪಾಯಕ್ಕೊಳಗಾಗುವುವು.
೬. ಕಡಲ ಜೀವಿಗಳ ಆಹಾರ ಸರಪಳಿಯಲ್ಲಿ ಮತ್ತು ಜೀವಿಗಳ ಸಮತೋಲನದಲ್ಲಿ ಏರುಪೇರಾಗುವುದು ಮತ್ತು ಜಾಗತಿಕ ಉ?ತೆಯ ಗತಿ ಹೆಚ್ಚಾಗುವುದು.
೭. ಓಜೋನ್ ಒಂದು ಹಸಿರು ಮನೆ ಅನಿಲ ಆಗಿದ್ದುದರಿಂದ ಭೂಮಿಯ ಉ?ತೆಯು ಹೆಚ್ಚುವುದು.
೮. ಓಜೋನ್ ನಾಶದಿಂದ ಉಂಟಾಗುವ ಮತ್ತೊಂದು ಸಮಸ್ಯೆ ಎಂದರೆ ಪೆಯಿಂಟ್. ಪ್ಲಾಸ್ಟಿಕ್ ಮತ್ತಿತರ ವಸ್ತುಗಳ ಕ್ಷೀಣತೆ ಉಂಟಾಗುವುದರಿಂದ ಆರ್ಥಿಕ ಹಾನಿ ಉಂಟಾಗುತ್ತದೆ.
ಓಜೋನ್ ನಾಶದಿಂದ ಪರಿಸರ ವ್ಯವಸ್ಥೆಯು ಉತ್ಪನ್ನತೆ, ಪರಿಸರದ ಸ್ಥಿರತೆ ಮತ್ತು ಸಂತುಲನದ ಮೇಲೆ ಗಾಢ ಪರಿಣಾಮ ಬೀರುತ್ತದೆ. ಜೈವಿಕ ಗೋಲದ ಪರಿಸರ ವ್ಯವಸ್ಥೆಯಲ್ಲಿ ಬದಲಾವಣೆಗೆ ಕಾರಣವಾಗುತ್ತದೆ.
ಓಜೋನ್ ನಾಶವಂತೂ ಆಗಿದೆ. ಈಗ ಉಂಟಾದ ಕಿಂಡಿಗಳಲ್ಲಿ ಓಜೋನ್ ತುಂಬುವುದು ಒಂದು ವಿಧಾನ. ವಿಜ್ಞಾನಿಗಳು ಈ ನಿಟ್ಟಿನಲ್ಲಿ ಸಂಶೋಧನೆಯಲ್ಲಿ ತೊಡಗಿದ್ದಾರೆ. ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲ ಯದ ಸಂಶೋಧಕರು ಓಜೋನ್ ನಾಶವನ್ನು ತುಂಬುವುದರಲ್ಲಿ ನಿರತರಾಗಿದ್ದಾರೆ. ಅವರು ಅಲ್ಕೇನ್‌ಗಳು, ಇಥೇನ್ ಗಳು ಅಥವಾ ಪ್ರೋಫೇನ್‌ಗಳನ್ನು ಅಂಟಾರ್ಕ್ಟಿಕಾ ವಾತಾವರಣದಲ್ಲಿ ತುಂಬುತ್ತಿದ್ದಾರೆ. ಈ ಕಾರ್ಯ ಅದಷ್ಟು ಬೇಗ ಜರುಗಬೇಕು. ಓಜೋನ್ ಈಗಾಗಲೇ ಸಾಕ? ನಾಶವಾಗಿದೆ. ಕೊಫ್ಲುಕಾ ಬಳಕೆಯನ್ನು ನಾವು ಈಗ ನಿಲ್ಲಿಸಿದರೂ ಮುಂದಿನ ೧೦೦ ವರ್ಷಗಳವರೆಗೆ ಅವುಗಳ ಪರಿಣಾಮ ಎದುರಿಸಬೇಕಾಗುತ್ತದೆ. ಓಜೋನ್‌ಗೆ ಸಹಕಾರಿಯಾಗಬಲ್ಲ ಬದಲಿ ರಾಸಾಯನಿಕಗಳನ್ನು ಬಳಸಲೇ ಬೇಕಾಗಿದೆ.
ಕಳಲೆ ಜವರನಾಯಕ
ಕಳಲೆ ಗ್ರಾಮ ಮತ್ತು ಅಂಚೆ
ನಂಜನಗೂಡು ತಾಲ್ಲೂಕು
ಮೈಸೂರು ಜಿಲ್ಲೆ ಮೊ : ೯೭೪೨೬೭೬೮೭೦