ಶಿವು ಜನಸ್ನೇಹಿ ಟ್ರಸ್ಟ್ ಅಕ್ಷಯ ಜೋಳಿಗೆ ಶಾಸಕರಿಂದ ಚಾಲನೆ ಚಾಮರಾಜನಗರ : ಹಸಿದವರಿಗೆ ಅನ್ನ ಕೊಡುವುದು ಒಂದು ಪುಣ್ಯದ ಕೆಲಸವಾಗಿದೆ ಎಂದುಎಂಎಸ್‌ಐಎಲ್‌ ಅಧ್ಯಕ್ಷರು, ಶಾಸಕ ಸಿ.ಪುಟ್ಟರಂಗಶೆಟ್ಟಿ ಹೇಳಿದರು. ನಗರದ ಶ್ರೀಚಾಮರಾಜೇಶ್ವರ ದೇವಸ್ಥಾನದ ಮುಂಭಾಗದಲ್ಲಿ ಶಿವು ಜನಸ್ನೇಹಿ ಟ್ರಸ್ಟ್ ಅಕ್ಷಯ ಜೋಳಿಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿ, ಶಿವು ಜನಸ್ನೇಹಿ ಟ್ರಸ್ಟ್ ಅಕ್ಷಯ ಜೋಳಿಗೆ ಕಾರ್ಯಕ್ರಮ ಒಂದು ಜನೋಪಯೋಗಿ ಕಾರ್ಯಕ್ರಮ ವಾಗಿದ್ದು ಇದು ನಗರಕ್ಕೆ ಬಹಳ ಅವಶ್ಯಕವಾಗಿದೆ. ಶಿವು ಜನಸ್ನೇಹಿ ಟ್ರಸ್ಟ್ ಕೋವಿಡ್ ಸಂದರ್ಭದಲ್ಲಿ ಸೇವಾ ಕಾರ್ಯಗಳನ್ನು ಮಾಡಿದೆ. ಟ್ರಸ್ಟ್ ಸೇವಾ ಕಾರ್ಯ ಯಶಸ್ವಿಯಾಗಲಿ ಎಂದು ಶುಭ ಕೋರಿದರು. ಕಾರ್ಯಕ್ರಮದ ಸಾನಿಧ್ಯ ವಹಿಸಿದ್ದ ಮರಿಯಾಲಶ್ರೀಇಮ್ಮಡಿಮುರುಘರಾಜೇಂದ್ರಸ್ವಾಮೀಜಿ ಮಾತನಾಡಿ, ಶಿವು ಜನಸ್ನೇಹಿ ಟ್ರಸ್ಟ್ ಅಕ್ಷಯ ಜೋಳಿಗೆ ಕಾರ್ಯಕ್ರಮ ಆರಂಭಿಸಿರುವುದು ಅತ್ಯಂತ ಸಂತಸದ್ದು, ಈ ಟ್ರಸ್ಟ್ ಕಳೆದ ಹತ್ತಾರು ವರ್ಷಗಳಿಂದ ಜನಪರ ಕಾರ್ಯಗಳನ್ನು ಮಾಡಿಕೊಂಡು ಬರುತ್ತಿದೆ. ಕೋವಿಡ್ ಸಂದರ್ಭದಲ್ಲೂ ಕೂಡ ಆನೇಕ ಶವ ಹೂಳು ಕೆಲಸ ಮಾಡಿದಾರೆ. ಅಕ್ಷಯ ಜೋಳಿಗೆ ವಿಶೇಷ ಕಾರ್ಯಕ್ರಮವನ್ನು ಟ್ರಸ್ಟ್ ಮಾಡಿ ಹಸಿದವರಿಗೆ ಅನ್ನ ನೀಡುವ ಕೆಲಸ ಮಾಡುತ್ತಿದೆ. ಅತ್ಯಂತ ಶ್ಲಾಘಣೀಯವಾದದ್ದು ಎಂದರು. ಅನ್ನ ನಮ್ಮ ಜೀವವೇ ಆಗಿದೆ. ಅನ್ನವೇ ಪ್ರಾಣವಾಗಿದೆ. ಮಾನವನಿಂದ ಹಿಡಿದು ಪ್ರಾಣಿ, ಪಕ್ಷಿ ಸಂಕುಲ ಸೇರಿದಂತೆ ಎಲಕ್ಕೂ ಆಹಾರ ಅಗತ್ಯವಾಗಿದೆ. ಆಹಾರ ಇಲ್ಲದೆ ನಿರ್ಗತಿಕರು ಇದ್ದಾರೆ. ಕಲ್ಯಾಣ ಮಂಟಪ, ದೇವಾಲಯಗಳಲ್ಲಿ ಹಾಳಾಗುತ್ತಿದೆ. ಭಗವಂತ ಕೊಟ್ಟಿರುವುದನ್ನು ನಾವೆಲ್ಲರೂ ಕೂಡ ಪವಿತ್ರವಾದ ಭಾವನೆಗಳಿಂದ ಅದನ್ನು ಸ್ವೀಕಾರ ಮಾಡಬೇಕು. ಎಷ್ಟು ಜನರು ಆಹಾರವನ್ನು ಸುರಿಯುತ್ತಾರೆ, ಚೆಲ್ಲುತ್ತಾರೆ ಇದನ್ನು ಮನಗಂಡು ಶಿವು ಅಕ್ಷಯ ಜೋಳಿಗೆ ಕಾರ್ಯಕ್ರಮ ಮಾಡುತ್ತಿದ್ದಾರೆ ಇದು ಯಶ್ವಸಿಯಾಗಲಿ, ದೊಡ್ಡಮಟ್ಟದಲ್ಲಿ ಬೆಳೆಯಲಿ ಎಂದು ಶುಭ ಕೋರಿದರು. ಕೇಂದ್ರ ಪರಿಹಾರ ಸಮಿತಿ ಮಾಜಿ ಅಧ್ಯಕ್ಷ ಎಂ.ರಾಮಚಂದ್ರ, ಕನಿಷ್ಠವೇತನಾ ಸಲಹಾ ಸಮಿತಿ ಮಾಜಿ ಅಧ್ಯಕ್ಷ ಉಮೇಶ್ ಎಸ್‌ಪಿಕೆ, ಜಿಲ್ಲಾ ಕುರುಬರ ಸಂಘದ ಅಧ್ಯಕ್ಷ ನಂಜೇಗೌಡ, ಕನಕ ನೌಕರರ ಸಂಘದ ಅಧ್ಯಕ್ಷ ನಿಂಗೇಗೌಡ, ಉದ್ಯಮಿ ಶ್ರೀನಿಧಿಕುದರ್‌ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಪ್ರದೇಶ ಕುರುಬರ ಸಂಘದ ಹಿರಿಯ ಉಪಾಧ್ಯಕ್ಷೆ ರಾಜೇಶ್ವರಿ ಸ್ವಾಮಿ, ಅಖಿಲ ಕರ್ನಾಟಕ ಕನ್ನಡ ಮಹಾಸಭಾ ಅಧ್ಯಕ್ಷ ಚಾ.ರಂ.ಶ್ರೀನಿವಾಸಗೌಡ, ಕೆಡಿಪಿ ಸದಸ್ಯ ಸೈದಯ್ ಮುಸಾಯಿಬ್, ಎಂ.ರಮೇಶ್‌ ಪ್ರಭು, ವಕೀಲ ನಾಗಾರ್ಜುನಪೃಥ್ವಿ, ಮಹೇಶ್, ಡಾ.ವಿ.ಜಿ.ಸಾಗರ್, ಉಮ್ಮತ್ತೂರುಚಂದ್ರು, ಕರ್ನಾಟಕ ರಾಜ್ಯ ಭೀಮ್ ಸೇನೆ ಚಾಮರಾಜನಗರ ಜಿಲ್ಲಾಧ್ಯಕ್ಷ ಸತೀಶ್ ಹೆಗ್ಗೋಠಾರ ಇತರರು ಹಾಜರಿದ್ದರು.